|
DIALOGO TRA FALCE E CANNILLI |
||
|
Personaggi:
FALCE 1° CANNILLO 2° CANNILLO 3° CANNILLO NICOLA DIRETTORE DEL MUSEO DELLA CIVILTA' CONTADINA
Una falce e tre "cannilli" (tubicini di canna che il mietitore usava per proteggere l'indice, il medio e l'anulare della mano sinistra dalla lama della falce tenuta con la destra) stanno appesi al muro annerito di un locale di una masseria. Essi parlano sommessamente, esprimendosi nell'unica lingua che conoscono: il dialetto di Nicola, il loro padrone casalborese.
1° CANNILLO (alla Falce, mostrando il suo corpo e quello dei compagni) Guarda qua, quanta segni c'hai lassato. FALCE E ve lamentati! Avesseva esse onorati, pecché tutti 'ssi tagghi ca v'agghio fatto vuonno dice ch'iti faticato assai ne la vita vosta. 2° CANNILLO Lu puoi dice forte. E che n'imo avuto de la fatica nosta? Stamo appisi a nu muro com'a tre 'mpiccati. Nun servimo chiù a nienti. FALCE E pecché, io servo chiù?! Imo fatto tutti 'na brutta fine, da quanno so' asciute 'sse machine ca fanno tutte cose loro. 3° CANNILLO Lassa fa!...Ha da arrivà l'ora ca puro 'ssi mezzi hann'a esse abbandonati com'a nui. 1° CANNILLO Chi ce l'era dice c'avavama passà tanta guai. Nui nascemmo canna, vicino a nu canale: 'na bella canna longa, diritta, chiena de foglie. FALCE E là paravati li muschilli quanno menava lu viento. 3° CANNILLO Quanno Nicola, lu padrone nuosto, ci abbiavo a tagghià cu lu curtiello, nun sapavamo che vuleva fa. 2° CANNILLO Me credeva ca vuleva fa nu squicciaruolo pe' fa pazzià a lu figghio. 1° CANNILLO Invece, ce tagghiavo preciso, vicino a li nudechi, e po' ce fece 'na ponta 'ncoppa e n'ata sotta e a la fine ce fece dui uocchi. FALCE Qual'uocchi? 1° CANNILLO Quisti, li vi'! Quist'e dui pertusi. FALCE E a che serveveno? 2° CANNILLO L'uocchi de coppa serveveno pe' c'attaccà assieme, com'a tre frati ca nun s'erena lassà mai. 3° CANNILLO E quanno Nicola meteva, si puro uno de nui sciuculava da lu dito nun ieva 'nterra, pecché la curdella lu manteneva. FALCE E quiss'at'uocchi? 1° CANNILLO Quisto serveva pe' fa passà l'aria 'ncopp'a lu dito, p'assucà lu sudore. FALCE A quanta cose era pensà Nicola. Io me ricordo ca me teneva come se fosse stata d'oro: lu manico lucido,la lama sempe ammolata... 2° CANNILLO Lu sapimo ca stivi ammolata bona. FALCE Quanno me pigghiava mmani, pareva come si avesse afferrata 'na spada. 3° CANNILLO Hai ragione! Quillo, Nicola, quanno meteva me pareva nu guerriero omerico: teneva a te, fauce, com'a 'na spada e a nui cannilli com'a nu scudo. 1° CANNILLO Po' portava la vandera pe' curazza, cappullo e vrazzularo pe' se difenne lu vrazzo. FALCE E la mugghiera, arreto, ieva accugghienno li "muorti", cu la facci pe' 'nterra. 3° CANNILLO Faticaveno troppo a quilli tiempi! 2° CANNILLO Ma si nun ce stavamo nui, Nicola se mureva de fame. FALCE Però, ima dice la verità: c'ha vuluto sempe bene. 2° CANNILLO E ce vuleva ca ce trattava puro male. 3° CANNILLO Lu vi', ca nun ha tenuto lu curaggio de ce iettà. FALCE Ci ha misso qua, appisi, e ogni tanto ce vene a guardà. 1° CANNILLO E se ricorda de quann'era giovene. 2° CANNILLO Me pare ca ce mantenimo megghio nui che isso. FALCE Io me fidasse de tagghià rano pe' n'ata centenara d'anni. 3° CANNILLO E chi te pigghia chiù. Stai bona a do' stai. 1° CANNILLO Cocche iurno de quisso more Nicola e lu figghio ce mena dint'a lu fuoco. 2° CANNILLO Facimo una vampa! FALCE Statti citto, ca forse simo furtunati. 3° CANNILLO Ma quale furtuna... FALCE Sine. L'ato iurno sentietti a Nicola e lu figghio ca diceveno ca ce vuleveno dà a nu museo. 1° CANNILLO Nu museo?! E che d'è? FALCE Io manco lu saccio...Ma lu figghio diceva a Nicola ca ce metteveno dint'a nu posto bello, assieme a centenara e centenara d'ati strumenti. 3° CANNILLO Buono! Accussì stamo chiù 'ncumpagnia. 2° CANNILLO Putimo dice doie chiacchiere. FALCE - Nun sulo. Ma po' diceveno ca là ce veneno a vedè tanta gente, gente bona, gente struita. 1° CANNILLO E ce tieneno sempe là? FALCE Pe' sempe! 2° CANNILLO Allora, nun ci appicceno chiù? FALCE No. 3° CANNILLO Vuoi dice ca diventamo eterni? FALCE Pò esse. 2° CANNILLO Come so' cuntento! Simo iuti 'nParadiso pe' scagno. 1° CANNILLO Ci', ci'! Stateve citto, ca sta venenno Nicola e si ce sente parlà le vene nu colpo. NICOLA (entra seguito dal Direttore del Museo) (indicando la FALCE e i cannilli) Le vi' llò! Quissi so'! Si li vuliti, pigghiatevelli. Ma ve dico la verità: me chiagne lu core...Ce steva troppo affeziunato. Pecché nun me purtati puro a me a lu Museo?
|
||
| Rappresentata il 1 Giugno 1991 a
Montefalcone di Valfortore alla presenza del Ministro della P.I. Gerardo
Bianco e dei Provveditori di Avellino e di Benevento.
Sfoglia l'album
Interpreti: Lidia Perrella e Andrea Capozzi (Presentatori) - Assunta Paradiso (Falce) - Gaetano Martino, Mauro Petrone, Giuseppe Secola (Cannilli) - Nicola Petrone (Nicola) - Emanuele Grillo (Direttore) |